bas ki ik lams ki ummid pe vaare hue hain — Arshad Jamal Sarim
"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"
بس کہ اک لمس کی امید پہ وارے ہوئے ہیں سو ترے سامنے یہ خاک پسارے ہوئے ہیں جانے کب ان کو بجھا بیٹھے کوئی باد الم سر مژگان تمنا جو ستارے ہوئے ہیں زندگی تو بھی ہمیں ویسے ہی اک روز گزار جس طرح ہم تجھے برسوں سے گزارے ہوئے ہیں نت نئے نقش کریں اس پہ اذیت کے رقم آ کہ ہم تختیٔ دل اپنی پچارے ہوئے ہیں کب کچل جائیں کسی پاؤں سے ہم برگ وجود وقت کی دھوپ میں ویسے ہی کرارے ہوئے ہیں جانتے ہیں کہ تو ہی عشق بدن کو ہے لباس ہم ترا روپ جو آشفتگی دھارے ہوئے ہیں اپنی جرأت کی ستائش ہو کہ ہم چوب مزاج ربط رکھتے ہیں سدا ان سے جو آرے ہوئے ہیں
बस कि इक लम्स की उम्मीद पे वारे हुए हैं सो तिरे सामने ये ख़ाक पसारे हुए हैं जाने कब उन को बुझा बैठे कोई बाद-ए-अलम सर-ए-मिज़्गान-ए-तमन्ना जो सितारे हुए हैं ज़िंदगी तू भी हमें वैसे ही इक रोज़ गुज़ार जिस तरह हम तुझे बरसों से गुज़ारे हुए हैं नित-नए नक़्श करें उस पे अज़िय्यत के रक़म आ कि हम तख़्ती-ए-दिल अपनी पचारे हुए हैं कब कुचल जाएँ किसी पाँव से हम बर्ग-ए-वजूद वक़्त की धूप में वैसे ही करारे हुए हैं जानते हैं कि तू ही इश्क़-बदन को है लिबास हम तिरा रूप जो आशुफ़्तगी धारे हुए हैं अपनी जुरअत की सताइश हो कि हम चोब-मिज़ाज रब्त रखते हैं सदा उन से जो आरे हुए हैं
