hijr ki shab naala-e-dil vo sadaa dene lage — Saqib Lakhnavi
"hijr ki shab naala-e-dil vo sadaa dene lage sunne vaale raat kaTne ki duaa dene lage aaiye haal-e-dil-e-majruh suniye dekhiye kyaa kahaa zakhmon ne kyuun Taanke sadaa dene lage kis nazar se aap ne dekhaa dil-e-majruh ko zakhm jo kuchh bhar chale the phir havaa dene lage sunne vaale ro diye sun kar mariz-e-gham kaa haal dekhne vaale taras khaa kar duaa dene lage juz zamin-e-ku-e-jaanaan kuchh nahin pesh-e-nigaah jis kaa darvaaza nazar aayaa sadaa dene lage baaghbaan ne aag di jab aashiyaane ko mire jin pe takiya thaa vahi patte havaa dene lage muTThiyon mein khaak le kar dost aae vaqt-e-dafn zindagi bhar ki mohabbat kaa silaa dene lage aaina ho jaae meraa ishq un ke husn kaa kyaa maza ho dard agar khud hi davaa dene lage sina-e-sozaan mein 'saaqib' ghuT rahaa hai vo dhuaan uf karun to aag duniyaa ki havaa dene lage"
ہجر کی شب نالۂ دل وہ صدا دینے لگے سننے والے رات کٹنے کی دعا دینے لگے آئیے حال دل مجروح سنیے دیکھیے کیا کہا زخموں نے کیوں ٹانکے صدا دینے لگے کس نظر سے آپ نے دیکھا دل مجروح کو زخم جو کچھ بھر چلے تھے پھر ہوا دینے لگے سننے والے رو دئیے سن کر مریض غم کا حال دیکھنے والے ترس کھا کر دعا دینے لگے جز زمین کوئے جاناں کچھ نہیں پیش نگاہ جس کا دروازہ نظر آیا صدا دینے لگے باغباں نے آگ دی جب آشیانے کو مرے جن پہ تکیہ تھا وہی پتے ہوا دینے لگے مٹھیوں میں خاک لے کر دوست آئے وقت دفن زندگی بھر کی محبت کا صلا دینے لگے آئنہ ہو جائے میرا عشق ان کے حسن کا کیا مزہ ہو درد اگر خود ہی دوا دینے لگے سینۂ سوزاں میں ثاقبؔ گھٹ رہا ہے وہ دھواں اف کروں تو آگ دنیا کی ہوا دینے لگے
हिज्र की शब नाला-ए-दिल वो सदा देने लगे सुनने वाले रात कटने की दुआ देने लगे आइए हाल-ए-दिल-ए-मजरूह सुनिए देखिए क्या कहा ज़ख़्मों ने क्यूँ टाँके सदा देने लगे किस नज़र से आप ने देखा दिल-ए-मजरूह को ज़ख़्म जो कुछ भर चले थे फिर हवा देने लगे सुनने वाले रो दिए सुन कर मरीज़-ए-ग़म का हाल देखने वाले तरस खा कर दुआ देने लगे जुज़ ज़मीन-ए-कू-ए-जानाँ कुछ नहीं पेश-ए-निगाह जिस का दरवाज़ा नज़र आया सदा देने लगे बाग़बाँ ने आग दी जब आशियाने को मिरे जिन पे तकिया था वही पत्ते हवा देने लगे मुट्ठियों में ख़ाक ले कर दोस्त आए वक़्त-ए-दफ़्न ज़िंदगी भर की मोहब्बत का सिला देने लगे आइना हो जाए मेरा इश्क़ उन के हुस्न का क्या मज़ा हो दर्द अगर ख़ुद ही दवा देने लगे सीना-ए-सोज़ाँ में 'साक़िब' घुट रहा है वो धुआँ उफ़ करूँ तो आग दुनिया की हवा देने लगे
