jo zauq hai ki ho daryaaft aabru-e-sharaab — Muneer Shikohabadi

جو ذوق ہے کہ ہو دریافت آبروئے شراب تو چشم جام سے اے شیخ دیکھ سوئے شراب کبھی تو دے گل دستار شیخ بوئے شراب قبا کی بیل میں یا رب لگے کدوئے شراب وہ مست ہیں جو ہیں مجروح تیغ موجۂ مے جگر کے چاک پہ اے گل بنے سبوئے شراب جو عاشق لب بے گون یار ہو فرہاد تو بے ستون سے بھی جائے شیر جوئے شراب وہ مست ہیں کہ جو تیجا پس فنا ہوگا ہمارے پھول بنیں گے گل کدوئے شراب ہمیشہ مے کدہ میں خوش قدوں کا مجمع ہے ہزاروں سرو لگے ہیں کنارے جوئے شراب لگائیں تاک کے اس مست نے جو تلواریں دہان زخم بدن سے بھی آئی بوئے شراب ڈبو دیا مجھے طوفان مے نے اے ساقی عمیق تر قد آدم سے نکلے جوئے شراب نماز شکر کی پڑھتا ہے جام توڑ کے شیخ وضو کے واسطے لیتا ہے ابروئے شراب وہ رشک حور مے مشکبو کا خواہاں ہے گل بہشت ہے مشتاق رنگ و بوئے شراب صدائے قلقل مینا سے ہو گیا ثابت کہ پیٹ بھر کے کریں مست گفتگوئے شراب برنگ شیشۂ مے اب کی فصل بارش میں کریں گے بیٹھ کے کشتی میں سیر جوئے شراب کھلا یہ شیشوں کے جھکنے سے حال اے ساقی کہ سرکشی نہیں لازم ہے روبروئے شراب اسیر دام علائق ہوں کس طرح مے خوار کہ رسیوں میں نہیں باندھتے سبوئے شراب نہ ہو جو کشت عمل اپنی سبز اے ساقی ریاض خلد سے ہم کاٹ لائیں جوئے شراب علاج ضعف بصر نور مے ہے مستوں کو ہماری آنکھوں کی چشمہ بنے گی جوئے شراب پتا لگا کے گیا سوئے گلشن جنت کہاں کہاں نہیں کی میں نے جستجوئے شراب کسی نے ساغر مے سے گلوں کو دی تشبیہ نسیم باغ سے آئی جو آج بوئے شراب ملیں گے ساغر و مینا جو خالی اسے ساقی کریں گے دیدہ و دل اپنی جستجوئے شراب کیا جو میکشوں نے عزم سیر عالم آب تو بدلے تونبوں کے ہاتھ آ گئی کدوئے شراب خرید جنس شفاعت میں ہوگی کیفیت ہماری گانٹھ میں ہے نقد آبروئے شراب بہک کے جاؤں جو مستی میں جانب کوثر تو مجھ کو دست سبو کھینچ لائے سوئے شراب یہ کس کے آنے سے مے خانہ میں ہوئی شادی دلہن کے عطر سے ملتی ہے آج بوئے شراب بدن جو ٹوٹ رہا ہے ظروف مے کے ساتھ بنا ہے کیا گل آدم سے ہر سبوئے شراب وہ رشک مے کرے بالائے بام مے خواری الٰہی آج خط کہکشاں ہو جوئے شراب ظروف بادۂ گلگوں ہو میرے کاندھوں پر فرشتوں سے بھی میں اٹھواؤں ہر سبوئے شراب کھلا یہ پھولوں کے ہونے سے حال اے زاہد پس فنا بھی ہے رندوں کو آرزوئے شراب سنا ہے پاس مسیحا کے آفتاب بھی ہے کریں گے موت کے حیلے سے جستجوئے شراب نہ ہو سکی کوئی تعزیر مے کشی ثابت زیادہ حد سے بڑھی آج گفتگوئے شراب گدائے بادہ ہوں الفت میں چشم میگوں کے ترے فقیر کا تونبا بنا کدوئے شراب حضور دختر زر ہاتھ پاؤں کانپتے ہیں تمام مستوں کو رعشہ ہے روبروئے شراب منیرؔ ساقیٔ کوثر سے لوں شراب طہور کبھی میں آنکھ اٹھا کر نہ دیکھوں سوئے شراب

जो ज़ौक़ है कि हो दरयाफ़्त आबरू-ए-शराब तो चश्म-ए-जाम से ऐ शैख़ देख सू-ए-शराब कभी तो दे गुल-ए-दस्तार-ए-शैख़ बू-ए-शराब क़बा की बेल में यारब लगे कदू-ए-शराब वो मस्त हैं जो हैं मजरूह-ए-तेग़-ए-मौज-ए-मय जिगर के चाक पे ऐ गुल बने सुबू-ए-शराब जो आशिक़-ए-लब-ए-बे-गून-ए-यार हो फ़रहाद तो बे-सुतून से भी जाए शीर-ए-जू-ए-शराब वो मस्त हैं कि जो तीजा पस-ए-फ़ना होगा हमारे फूल बनेंगे गुल-ए-कदू-ए-शराब हमेशा मय-कदे में ख़ुश-क़दों का मजमा है हज़ारों सर्व लगे हैं किनारे जू-ए-शराब लगाईं ताक के उस मस्त ने जो तलवारें दहान-ए-ज़ख़्म-ए-बदन से भी आई बू-ए-शराब डुबो दिया मुझे तूफ़ान-ए-मय ने ऐ साक़ी अमीक़-तर क़द-ए-आदम से निकले जू-ए-शराब नमाज़ शुक्र की पढ़ता है जाम तोड़ के शैख़ वज़ू के वास्ते लेता है आबरू-ए-शराब वो रश्क-ए-हूर मय-ए-मुश्कबू का ख़्वाहाँ है गुल-ए-बहिश्त है मुश्ताक़-ए-रंग-ओ-बू-ए-शराब सदा-ए-क़ुलक़ुल-ए-मीना से हो गया साबित कि पेट भर के करें मस्त गुफ़्तुगू-ए-शराब ब-रंग-ए-शीशा-ए-मय अब की फ़स्ल-ए-बारिश में करेंगे बैठ के कश्ती में सैर-ए-जू-ए-शराब खुला ये शीशों के झुकने से हाल ऐ साक़ी कि सर-कशी नहीं लाज़िम है रूब-रू-ए-शराब असीर-ए-दाम-ए-अलाएक हों किस तरह मय-ख़्वार कि रस्सियों में नहीं बाँधते सुबू-ए-शराब न हो जो किश्त-ए-अमल अपनी सब्ज़ ऐ साक़ी रियाज़-ए-ख़ुल्द से हम काट लाएँ जू-ए-शराब इलाज-ए-ज़ोफ़-ए-बसर नूर-ए-मय है मस्तों को हमारी आँखों की चश्मा बनेगी जू-ए-शराब पता लगा के गया सू-ए-गुलशन-ए-जन्नत कहाँ कहाँ नहीं की मैं ने जुस्तुजू-ए-शराब किसी ने साग़र-ए-मय से गुलों को दी तश्बीह नसीम-ए-बाग़ से आई जो आज बू-ए-शराब मिलेंगे साग़र-ओ-मीना जो ख़ाली उसे साक़ी करेंगे दीदा-ओ-दिल अपनी जुस्तुजू-ए-शराब किया जो मय-कशों ने अज़्म-ए-सैर-ए-आलम-ए-आब तो बदले तोंबों के हाथ आ गई कदू-ए-शराब ख़रीद-ए-जिंस-ए-शफ़ाअत में होगी कैफ़ियत हमारी गाँठ में है नक़्द-ए-आबरू-ए-शराब बहक के जाऊँ जो मस्ती में जानिब-ए-कौसर तो मुझ को दस्त-ए-सुबू खींच लाए सू-ए-शराब ये किस के आने से मय-ख़ाना में हुइ शादी दुल्हन के इत्र से मिलती है आज बू-ए-शराब बदन जो टूट रहा है ज़ुरूफ़-ए-मय के साथ बना है क्या गुल-ए-आदम से हर सुबू-ए-शराब वो रश्क-ए-मय करे बाला-ए-बाम मय-ख़्वारी इलाही आज ख़त-ए-कहकहशाँ हो जू-ए-शराब ज़ुरूफ़-ए-बादा-ए-गुल-गूँ हो मेरे काँधों पर फ़रिश्तों से भी मैं उठवाऊँ हर सुबू-ए-शराब खुला ये फूलों के होने से हाल ऐ ज़ाहिद पस-ए-फ़ना भी है रिंदों को आरज़ू-ए-शराब सुना है पास मसीहा के आफ़्ताब भी है करेंगे मौत के हीले से जुस्तुजू-ए-शराब न हो सकी कोई ताज़ीर-ए-मय-कशी साबित ज़ियादा हद से बढ़ी आज गुफ़्तुगू-ए-शराब गदा-ए-बादा हूँ उल्फ़त में चश्म-ए-मयगूँ के तिरे फ़क़ीर का तोंबा बना कदू-ए-शराब हुज़ूर-ए-दुख़्तर-ए-ज़र हाथ पाँव काँपते हैं तमाम मस्तों को राशा है रू-ब-रू-ए-शराब 'मुनीर' साक़ी-ए-कौसर से लूँ शराब-ए-तुहूर कभी मैं आँख उठा कर न देखूँ सू-ए-शराब