Shayari Of Muneer Shikohabadi

"tirchhī nazar se dekhiye talvār chal ga.ī zaḳhm-e-jigar kī raah se hasrat nikal ga.ī mal-dal se vasl meñ tirī mahram nikal ga.ī chuTkī se ai parī bunat añgiyā kī mal ga.ī bulbul ko mast kartī hai ḳhushbū libās kī shāyad nasīm itr-e-bahār aaj mal ga.ī kañghī se itnī der meñ suljhā.ī ek zulf ai jaan aadhī raat bakheḌe meñ Dhal ga.ī mazmūn terī zard hinā kā na bañdh sakā manhad kī machhlī haath meñ aa kar nikal ga.ī itnā na kījiye gul-e-ruḳhsār par ġhurūr do din kī ye bahār hai aaj aa.ī kal ga.ī andāz tere haal kī sīkhī jo raat ko teġh-e-hilāl kabk par ai maah chal ga.ī sar se hamāre phir ga.ī shamshīr-e-barq-dam ai jaan girte girte ye bijlī sañbhal ga.ī kyā saaf gaal haiñ ki na Thahre nazar kahīñ be-sāḳhta nigāh hamārī phisal ga.ī rañg-e-vafā uḌā dil-e-saḳht-e-raqīb se botal meñ ye sharāb na Thahrī ubal ga.ī kyuuñ chashm-e-mast ho ga.e jām-e-sharāb aaj kyā ho gayā jo aañkh tumhārī badal ga.ī mazmūn-e-garm par mere tā'na na kar sake añgusht-e-e'tirāz harīfoñ kī chal ga.ī miTTī mirī ḳharāb huī rāh-e-ishq meñ barbād kar ke un kī savārī nikal ga.ī mujh se hī pūchhtā hai mirā nāma-bar patā aisī firāq-e-yār meñ sūrat badal ga.ī ai shoḳh terī dast-darāzī se nashshe meñ gardūñ tak āftāb kī pagḌī uchhal ga.ī de kar mai-e-do-ātisha us se lipaT gayā do āñchoñ meñ raqīb kī kyā daal gal ga.ī jannat se bahra-var hoñ zafar-gañj ai 'munīr' jo jo thī aarzū mire dil meñ nikal ga.ī"

"halqa halqa ghar banā laḳht-e-dil-e-betāb kā zulf-e-jānāñ meñ hai aalam sub.ha-e-sīmāb kā sone meñ nazzāra kar luuñ rū-e-ālam-tāb kā ḳhauf kyā duzd-e-nigah ko hai shab-e-mahtāb kā khel bhī betāb thā tiflī meñ us betāb kā par uḌātā thā havā par māhī-e-be-āb kā ruk nahīñ saktā hai dariyā dīda-e-pur-āb kā paaT hai rūmāl merā dāman-e-sailāb kā ḳhvāb meñ yārān-e-rafta se mulāqāteñ huiiñ ham ne samjhā ḳhizr ġhaflat ko rah-e-ahbāb kā kahte haiñ sab dekh kar betāb merā uzv uzv aadmī ab tak nahīñ dekhā kahīñ sīmāb kā niiñd kī sūrat nahīñ dekhā ba-juz dāġh-e-jigar parda merī aañkh meñ shāyad ki hai kam-ḳhvāb kā lag ga.ī aag ātish-e-ruḳh se naqāb-e-yār meñ dekh lo jaltā hai konā chādar-e-mahtāb kā majlis-e-be-sham.a vo haiñ sham-e-be-majlis huuñ maiñ ġham mirā ahbāb ko hai mujh ko ġham ahbāb kā hijr-e-jānāñ ke alam meñ ham farishte ban ga.e dhyān muddat se chhuTā āb-o-ta.ām-o-ḳhvāb kā ahl-e-taslīm-o-razā se sar-bulandoñ kī hai zeb ḳhushnumā zer-e-manār o qurb hai mehrāb kā jhuk ke ham ne bosa-e-abrū kī jab māñgī duā halqa-e-āġhosh par aalam huā mehrāb kā is qadar fariyād mahshar-ḳhez ai bulbul na kar dekhnā taḳhta na ulTe gulshan-e-shādāb kā mohr-e-dast-āvez-e-ġham hai har bashar kā dāġh-e-ġham dil hai mahzar sohbat-e-gum-karda-e-ahbāb kā be-takalluf aa gayā vo mah dam-e-fikr-e-suḳhan rah gayā pās-e-adab se qāfiya ādāb kā parvarish taqdīr kartī hai mujhe bahr-e-qazā zab.h ko parvarda karnā kaam hai qassāb kā nashsha-e-jur.at ziyāda ho gayā ai mai-kasho sāġhar-e-mai ban gayā kaasa sar-e-sohrāb kā mū-e-ātish-dīd saañ bal khaa.e vo mū-e-kamar maiñ jo likkhūñ garm mazmūñ us tilā.ī Daab kā ho gayā huuñ maiñ naqāb-e-rū-e-raushan par faqīr chāhiye tah-band mujh ko chādar-e-mahtāb kā ḳhāl-o-ḳhat se aib us ke rū-e-aqdas ko nahīñ husn hai mus.haf meñ honā nuqta-e-e.arāb kā dost dushman se ziyāda tez rakhte haiñ chhurī barhaman bhī pesha ab karne lage qassāb kā hoñT par añgusht-e-rañgīñ rakh ke vo kahne lage shāḳh-e-marjāñ ne samar paidā kiyā unnāb kā lāġharī ke saath betābī yahī ai bahr-e-husn ḳhaar hai ye jism-e-lāġhar māhī-e-be-āb kā terī furqat meñ jo aa.e bhuul kar āñkhoñ meñ niiñd mardumān-e-chashm ne phir muñh na dekhā ḳhvāb kā mere murġh-e-dil kī betābī uḌaa.ī kis tarah hausla aisā nahīñ hai tā.ir-e-sīmāb kā ḳhidmat-e-aqdas meñ chal kar ye ġhazal paḌh ai 'munīr' shohra sab ahl-e-suḳhan meñ hai tire navvāb kā"

"aur mujh sā jaan dene kā tamannā.ī nahīñ us kā shaidā.ī huuñ jis kā koī shaidā.ī nahīñ saaf haiñ ham go tujhe mail-e-ḳhud-ārā.ī nahīñ dil vahī ā.īna hai par tū tamāshā.ī nahīñ qā.il-e-vahdat huuñ shirkat kā tamannā.ī nahīñ tū jo tanhā hai to mujh ko fikr-e-tanhā.ī nahīñ nāseho kyuuñ sabr karne ke liye karte ho tañg is qadar dil tañg hai jā-e-shakebā.ī nahīñ DhūñDhne par maiñ kamar bāñdhūñ to pā.ūñ qasr-e-yār be-mahal hai lā-makāñ kahnā vo harjā.ī nahīñ sach hai haq nā-haq nahīñ miltā kisī ko martaba daar par mansūr ko auj-e-masīhā.ī nahīñ yā karo apnā kisī ko yā kisī ke ho raho chaar din kī zindagī meñ lutf-e-tanhā.ī nahīñ zaar huuñ tāqat se mil jaane ko tāqat chāhiye nā-tavānī se judā.ī kī tavānā.ī nahīñ dasht-e-vahshat meñ nahīñ miltā hai saaye kā patā maiñ huuñ saudā.ī mirā ham-zād saudā.ī nahīñ ātshī shīshe kī ainak ho hamārī aañkh meñ ham tumhārī garmiyāñ dekheñ ye bīnā.ī nahīñ misr ke bāzār meñ kyā baḌh ga.ī yūsuf kī qadr husn ko be-pardagī meñ aib-e-rusvā.ī nahīñ be-mai-o-mai-ḳhāna-o-sāqī jo aa.ī mujh ko maut halqa-e-mātam hai daur-e-charḳh-e-mīnā.ī nahīñ ho gayā ḳhāmosh jo shahr-e-ḳhamoshāñ kā huā hai dahān-e-gor maujūd aur goyā.ī nahīñ donoñ nashāoñ se haiñ bāhar mast-e-sahbā-e-alast apne mai-ḳhāne meñ daur-e-charḳh-e-mīnā.ī nahīñ paa.eñ kyā dīvāna-e-miz.hgāñ but-e-tarsā meñ lutf sozan-e-īsā meñ nok-e-ḳhak-e-shahrā.ī nahīñ mere dil kī tujh ko bejā hai shikāyat ġhair se apne ghar kā haal kahnā tarz-e-dānā.ī nahīñ nashshe meñ zinda haiñ hai īsā-nafas apnā ḳhumār jaan a.azā meñ chalī aatī hai añgḌā.ī nahīñ ho ga.e TeḌhe agar ham ne jagāyā niiñd se aap dar-parda akaḌte haiñ ye añgḌā.ī nahīñ mai-kade par saqf-e-abr-e-rahmat-e-haq chāhiye ehtiyāj-e-sā.ebān-e-charḳh-e-mīnā.ī nahīñ be-ḳhatar haiñ susti-e-andām se nāzuk-mizāj justujū-e-bāda meñ shīshoñ kī añgḌā.ī nahīñ sar ko Takrā kar miTāyā apnī qismat kā likhā dair meñ ka.abe meñ ab fikr-e-jabīñ-sā.ī nahīñ aap se yūsuf hazāroñ ham se āshiq saikḌoñ husn kā toḌā nahīñ qaht-e-tamāshā.ī nahīñ pīr-e-gardūñ se zarā anjum uchak kar chhīn leñ himmateñ aalī haiñ fikr-e-charḳh-e-bālā.ī nahīñ hai mirā dasht-e-junūñ saat āsmānoñ se do-chand rub-e-maskūñ vādī-e-vahshat kī chauthā.ī nahīñ duḳhtar-e-raz misl-e-aflātūñ hai jab tak ḳhum meñ hai nashshe meñ apne se bāhar hoñ ye dānā.ī nahīñ lucknow kī aarzū meñ jaan detā hai 'munīr' saltanat kā bhī zamāne meñ tamannā.ī nahīñ"

āñkheñ ḳhudā ne baḳhshī haiñ rone ke vāste
do kashtiyāñ milī haiñ Dubone ke vāste

ustād ke ehsān kā kar shukr 'munīr' aaj
kī ahl-e-suḳhan ne tirī tārīf baḌī baat

jaatī hai duur baat nikal kar zabān se
phirtā nahīñ vo tiir jo niklā kamān se

sarsoñ jo phūlī dīda-e-jām-e-sharāb meñ
bint-ul-anab se karne lagā shoḳhiyāñ basant

bosa hoñToñ kā mil gayā kis ko
dil meñ kuchh aaj dard mīThā hai

ehsān nahīñ ḳhvāb meñ aa.e jo mire paas
chorī kī mulāqāt mulāqāt nahīñ hai

mahrūm huuñ maiñ ḳhidmat-e-ustād se 'munīr'
kalkatta mujh ko gor se bhī tañg ho gayā

namāz shukr kī paḌhtā hai jaam toḌ ke shaiḳh
vuzū ke vāste letā hai ābrū-e-sharāb

"āñkheñ ḳhudā ne baḳhshī haiñ rone ke vāste do kashtiyāñ milī haiñ Dubone ke vāste uryāñ chalūñ maiñ qabr meñ sone ke vāste kaafī hai mujh ko post bichhaune ke vāste kushtoñ ke khet meñ jo huzūr aaj hañs paḌe motī ke daane mil ga.e bone ke vāste niiñd uḌ ga.ī hai rañg-e-talā.ī kī yaad meñ pāras kā surma chāhiye sone ke vāste afsūñ se sāmrī ko jalāte haiñ vasl meñ jaadū jagā rahe haiñ vo Tone ke vāste taḌpā maiñ ḳhaak par to kiyā charḳh ne karam bijlī girā.ī mere bichhaune ke vāste ḳhvābīdgān-e-ḳhāk haiñ giryāñ mazār par sotoñ kī āñkheñ khul ga.iiñ rone ke vāste ye ghul ke mar gayā huuñ ki merā kafan tamām jaalā banā hai qabr ke kone ke vāste jiinā hai sab ko maut hai tasvīr kī tarah naqshe jame hue haiñ na hone ke vāste sañgīñ dilī se champa.ī rañgoñ kī hai chamak sañg-e-mahak zarūr hai sone ke vāste goyā zabān huuñ dahan-e-rozgār meñ kyā kyā maze mile mujhe khone ke vāste naqsh-e-nagīn-e-mohr mirā naqsh-e-āb hai paidā huā huuñ naam Dubone ke vāste dāñtoñ ke ishq meñ hai ye iġhrāq-e-lāġharī dauḌā huuñ motiyoñ ke pirone ke vāste chakkī lagī hai bosa-e-husn malīh kī zaḳhmoñ ke muñh khulī haiñ salone ke vāste mailā hai farsh par to mah-e-āj mai-kasho laao sharāb chāñdnī dhone ke vāste shāyad kareñge chashma-e-ḳhurshīd meñ vo ġhusl shabnam chalī hai paanī samone ke vāste us husn-e-pur-namak meñ ajab hai numūd-e-ḳhat dekhā hujūm-e-mor salone ke vāste qārūñ kā bhī ḳhazāna luTā dījiye 'munīr' mumsik kā maal lūTiye khone ke vāste"