junun se raah-e-khirad mein bhi kaam lenaa thaa — Ali Jawad Zaidi
"junun se raah-e-khirad mein bhi kaam lenaa thaa har ek khaar se izn-e-khiraam lenaa thaa faraaz-e-daar pe daaman kisi kaa thaam liyaa junun-e-shauq ko bhi intiqaam lenaa thaa hazaar baar nataaej se ho ke be-parvaa usi kaa naam liyaa jis kaa naam lenaa thaa ilaaj-e-tishna-labi sahl thaa magar saaqi jo dast-e-ghair mein hai kab vo jaam lenaa thaa junun ki raah mein tadbir-e-sarkhushi ke liye bas ek valvala-e-tez-gaam lenaa thaa shikasta laakh thi kashti hazaar thaa tufaan khayaal mein koi daaman to thaam lenaa thaa nasim ek ravish tak pahunch ke tham si gai ki naa-shagufta kali kaa payaam lenaa thaa shab-e-firaaq mein bhi kuchh diye chamakne lagein nigaah-e-shauq se itnaa to kaam lenaa thaa hazaar baar tiri bazm mein huaa mahsus liyaa jo ghair ne mujh ko vo jaam lenaa thaa main ek jura-e-masti pe sulh kyuun kartaa mujhe to jaam mein maah-e-tamaam lenaa thaa ghazab huaa ki in aankhon mein ashk bhar aae nigaah-e-yaas se kuchh aur kaam lenaa thaa kisi ne aag lagaai ho koi mujrim ho hamein to apne hi sar ittihaam lenaa thaa nigaah-e-shokh yahi fath aur kuchh hoti jo gir rahe the unhein baDh ke thaam lenaa thaa ye bazm-e-khaas kaa aish-e-do-roza kyaa hogaa gham-e-avaam se aish-e-davaam lenaa thaa"
جنوں سے راہ خرد میں بھی کام لینا تھا ہر ایک خار سے اذن خرام لینا تھا فراز دار پہ دامن کسی کا تھام لیا جنون شوق کو بھی انتقام لینا تھا ہزار بار نتائج سے ہو کے بے پروا اسی کا نام لیا جس کا نام لینا تھا علاج تشنہ لبی سہل تھا مگر ساقی جو دست غیر میں ہے کب وہ جام لینا تھا جنوں کی راہ میں تدبیر سرخوشی کے لیے بس ایک ولولۂ تیزگام لینا تھا شکستہ لاکھ تھی کشتی ہزار تھا طوفاں خیال میں کوئی دامن تو تھام لینا تھا نسیم ایک روش تک پہنچ کے تھم سی گئی کہ ناشگفتہ کلی کا پیام لینا تھا شب فراق میں بھی کچھ دیے چمکنے لگیں نگاہ شوق سے اتنا تو کام لینا تھا ہزار بار تری بزم میں ہوا محسوس لیا جو غیر نے مجھ کو وہ جام لینا تھا میں ایک جرعۂ مستی پہ صلح کیوں کرتا مجھے تو جام میں ماہ تمام لینا تھا غضب ہوا کہ ان آنکھوں میں اشک بھر آئے نگاہ یاس سے کچھ اور کام لینا تھا کسی نے آگ لگائی ہو کوئی مجرم ہو ہمیں تو اپنے ہی سر اتہام لینا تھا نگاہ شوخ یہی فتح اور کچھ ہوتی جو گر رہے تھے انہیں بڑھ کے تھام لینا تھا یہ بزم خاص کا عیش دو روزہ کیا ہوگا غم عوام سے عیش دوام لینا تھا
जुनूँ से राह-ए-ख़िरद में भी काम लेना था हर एक ख़ार से इज़्न-ए-ख़िराम लेना था फ़राज़-ए-दार पे दामन किसी का थाम लिया जुनून-ए-शौक़ को भी इंतिक़ाम लेना था हज़ार बार नताएज से हो के बे-परवा उसी का नाम लिया जिस का नाम लेना था इलाज-ए-तिश्ना-लबी सहल था मगर साक़ी जो दस्त-ए-ग़ैर में है कब वो जाम लेना था जुनूँ की राह में तदबीर-ए-सरख़ुशी के लिए बस एक वलवला-ए-तेज़-गाम लेना था शिकस्ता लाख थी कश्ती हज़ार था तूफ़ाँ ख़याल में कोई दामन तो थाम लेना था नसीम एक रविश तक पहुँच के थम सी गई कि ना-शगुफ़्ता कली का पयाम लेना था शब-ए-फ़िराक़ में भी कुछ दिए चमकने लगें निगाह-ए-शौक़ से इतना तो काम लेना था हज़ार बार तिरी बज़्म में हुआ महसूस लिया जो ग़ैर ने मुझ को वो जाम लेना था मैं एक जुरअ-ए-मस्ती पे सुल्ह क्यूँ करता मुझे तो जाम में माह-ए-तमाम लेना था ग़ज़ब हुआ कि इन आँखों में अश्क भर आए निगाह-ए-यास से कुछ और काम लेना था किसी ने आग लगाई हो कोई मुजरिम हो हमें तो अपने ही सर इत्तिहाम लेना था निगाह-ए-शोख़ यही फ़त्ह और कुछ होती जो गिर रहे थे उन्हें बढ़ के थाम लेना था ये बज़्म-ए-ख़ास का ऐश-ए-दो-रोज़ा क्या होगा ग़म-ए-अवाम से ऐश-ए-दवाम लेना था
