ye haath raakh mein khvaabon ki Daalte to ho — Abdul Hafiz Naeemi

tumhaare sang-e-taghaaful kaa kyuun karein shikva
is aaine kaa muqaddar hi TuTnaa hogaa

— Abdul Hafiz Naeemi

khaDaa huaa huun sar-e-raah muntazir kab se
ki koi guzre to gham kaa ye bojh uThvaa de

— Abdul Hafiz Naeemi

mire khulus pe shak ki to koi vajh nahin
mire libaas mein khanjar agar chhupaa niklaa

— Abdul Hafiz Naeemi

maazi ke reg-zaar pe rakhnaa sambhal ke paanv
bachchon kaa is mein koi gharaundaa banaa na ho

— Abdul Hafiz Naeemi

sadaa kise dein 'naimi' kise dikhaaein zakhm
ab itni raat gae kaun jaagtaa hogaa

— Abdul Hafiz Naeemi

main bhi is safha-e-hasti pe ubhar saktaa huun
rang to tum miri tasvir mein bhar kar dekho

— Abdul Hafiz Naeemi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

— Asim Nadeem Asi

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar

ye san kar meri nindein uD gai hain
koi meraa bhi sapnaa dekhtaa hai

— Mahtab Alam