mere khvaabon ke jharokon ko sajaate rahiye — Jatinder Vir Yakhmi Jayaveer

vo nahin aaj-kal khafaa ham se
koi niklaa hai raasta shaayad

— Jatinder Vir Yakhmi Jayaveer

laakh chaahaa ki ho pahchaan koi apni bhi
kaash ham aap ke hi naam se jaane jaate

— Jatinder Vir Yakhmi Jayaveer

khuub gahri jo lagi choT to ham ne jaanaa
vaqt lagtaa hai kisi dard ko jaate jaate

— Jatinder Vir Yakhmi Jayaveer

dukh kaTe zahmat kaTe kaT jaae bad-hali sabhi
vaqt kaaTe naa kaTe to kyaa karein kis se kahein

— Jatinder Vir Yakhmi Jayaveer

aae hain sunte ki aisaa vaqt bhi aataa hai jab
ho davaa yaa phir duaa kuchh kaargar hotaa nahin

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

phir mujhe dida-e-tar yaad aayaa
dil jigar tishna-e-fariyaad aayaa

— Mirza Ghalib

uThaa sakte nahin jab chuum kar hi chhoDnaa achchhaa
mohabbat kaa ye patthar is dafa bhaari ziyaada hai

— Zafar Iqbal

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

— Parveen Shakir