Khwab

ab ke ham bichhḌe to shāyad kabhī ḳhvāboñ meñ mileñ
jis tarah sūkhe hue phuul kitāboñ meñ mileñ

hamārā ishq ravāñ hai rukāvaToñ meñ 'zafar'
ye ḳhvāb hai kisī dīvār se nahīñ ruktā

takiya-e-maḳhmalī sirhāne rakh
lekin āñkhoñ siiñ apnī ḳhvāb nikāl

bārhā terā intizār kiyā
apne ḳhvāboñ meñ ik dulhan kī tarah

yahī hai zindagī kuchh ḳhvāb chand ummīdeñ
inhīñ khilaunoñ se tum bhī bahal sako to chalo

yā rab hameñ to ḳhvāb meñ bhī mat dikhā.iyo
ye mahshar-e-ḳhayāl ki duniyā kaheñ jise

jis jā makīn banñe ke dekhe the maiñ ne ḳhvāb
us ghar meñ ek shaam kī mehmān bhī na thī

maiñ ne dekhā hai bahāroñ meñ chaman ko jalte
hai koī ḳhvāb kī tābīr batāne vaalā

jis tarah ḳhvāb mire ho ga.e reza reza
us tarah se na kabhī TuuT ke bikhre koī

rafāqatoñ ke na.e ḳhvāb ḳhushnumā haiñ magar
guzar chukā hai tire e'tibār kā mausam

ḳhvāb meñ bhī to nazar bhar ke na dekhā un ko
ye bhī ādāb-e-mohabbat ko gavārā na huā

lagtā hai itnā vaqt mire Dūbne meñ kyuuñ
andāza mujh ko ḳhvāb kī gahrā.ī se huā

itnā mānūs bhī hone kī zarūrat kyā thī
kabhī is ḳhvāb se mumkin hai nikalnā paḌ jaa.e

zer-e-masjid mai-kada maiñ mai-kade meñ mast-e-ḳhvāb
chauñk uThā jab dī mo.azzin ne azaañ bālā-e-sar

hai ġhaib-e-ġhaib jis ko samajhte haiñ ham shuhūd
haiñ ḳhvāb meñ hunūz jo jaage haiñ ḳhvāb meñ

ḳhafā dekhā hai us ko ḳhvāb meñ dil saḳht muztar hai
khilā de dekhiye kyā kyā gul-e-ta.abīr-e-ḳhvāb apnā

bharī rahe abhī āñkhoñ meñ us ke naam kī niind
vo ḳhvāb hai to yūñhī dekhne se guzregā

raat kyā so.e ki baaqī umr kī niiñd uḌ ga.ī
ḳhvāb kyā dekhā ki dhaḌkā lag gayā tābīr kā

aisā hai ki sab ḳhvāb musalsal nahīñ hote
jo aaj to hote haiñ magar kal nahīñ hote

āshiqī meñ 'mīr' jaise ḳhvāb mat dekhā karo
bāvle ho jāoge mahtāb mat dekhā karo