lafzon mein khaali jaghein bhar lene se — Aftab Iqbal Shamim

phir se taalif-e-dil ho phir koi
is sahife ki ru-numaai kare

ishq mein ye majburi to ho jaati hai
duniyaa ghair-zaruri to ho jaati hai

ye hijratein hain zamin o zamaan se aage ki
jo jaa chukaa hai use lauT kar nahin aanaa

dil aur duniyaa donon ko khush rakhne mein
apne-aap se duuri to ho jaati hai

kyaa raat ke aashob mein vo khud se laDaa thaa
aaine ke chehre pe kharaashein si paDi hain

lamha munsif bhi hai mujrim bhi hai majburi kaa
faaeda shak kaa mujhe de ke bari kar jaae