vo bhi tere hain muntakhab-karda — Ahmad Muaz

koi fursat se mujh ko dekhtaa aur
main apne kaam mein mashghul hotaa

main rizq-e-mohabbat huun so baTtaa huun baraabar
jitnaa bhi kisi kaa huun main utnaa huun tumhaaraa

tire pichhe musalsal bhaagne se
miri raftaar achchhi ho gai hai

ye amiri bhi hai gharibi bhi
us ke office mein job karte hain

tum to ye bataa deti ho itni huun tumhaari
main sochtaa rahtaa huun ki kitnaa huun tumhaaraa

mujh ko iflaas ke ruThe hue maathe ki qasam
bakht mein likkhi gai ne'mat-e-avval tum ho