ye amiri bhi hai gharibi bhi — Ahmad Muaz

koi fursat se mujh ko dekhtaa aur
main apne kaam mein mashghul hotaa

vo bhi tere hain muntakhab-karda
jo tiraa intikhaab karte hain

main rizq-e-mohabbat huun so baTtaa huun baraabar
jitnaa bhi kisi kaa huun main utnaa huun tumhaaraa

tire pichhe musalsal bhaagne se
miri raftaar achchhi ho gai hai

tum to ye bataa deti ho itni huun tumhaari
main sochtaa rahtaa huun ki kitnaa huun tumhaaraa

mujh ko iflaas ke ruThe hue maathe ki qasam
bakht mein likkhi gai ne'mat-e-avval tum ho

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa