sab ne maanaa marne vaalaa dahshat-gard aur qaatil thaa — Ahmad Salman

kuchal kuchal ke na fōt-paath ko chalo itnaa
yahaan pe raat ko mazdur khvaab dekhte hain

— Ahmad Salman

main huun bhi to lagtaa hai ki jaise main nahin huun
tum ho bhi nahin aur ye lagtaa hai ki tum ho

— Ahmad Salman

jo dikh rahaa usi ke andar jo an-dikhaa hai vo shaaeri hai
jo kah sakaa thaa vo kah chukaa huun jo rah gayaa hai vo shaaeri hai

— Ahmad Salman

vo jin darakhton ki chhaanv mein se musaafiron ko uThaa diyaa thaa
unhin darakhton pe agle mausam jo phal na utre to log samjhe

— Ahmad Salman

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

us ke munh pe mukar gayaa thaa dil
aaj had se guzar gayaa thaa dil

— Divyansh Rawat