us ke munh pe mukar gayaa thaa dil — Divyansh Rawat

main baDaa ho gayaa huun magar bachpanaa
mere dil se kabhi bhi gayaa hi nahin

kyon tasavvur mein ji rahaa huun main
jab haqiqat mein mar hi jaanaa hai

apne hain sab paraayaa koi nahin
par mire dukh mein aayaa koi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

tiraa khayaal mire dil mein kaise ghar kartaa
tiraa khayaal miri vahshaton se aage hai

'nazir' log to chehre badalte rahte hain
tu itnaa saada na ban muskuraahaTein pahchaan

is rang badalti duniyaa mein pahchaan baDi hi mushkil hai
ye kis ko khabar hai ai 'shaahid' kis bhes mein kaun luTeraa hai

kitni viraan hai gali dil ki
duur tak koi naqsh-e-paa bhi nahin

khaak-e-dil se hi uThe ab ke ghubaar-e-mahtaab
aasmaan se koi elaan nahin honaa hai