talkhi ke saath kiije na tark-e-ta'alluqaat — Ali Asar Bandvi

ehsaas-e-tishnagi na thaa sahraa mein kuchh magar
lab khushk ho rahe hain samundar ko dekh kar

— Ali Asar Bandvi

hijr kaa maaraa huun Table par yahi sab paaoge
adh-likhe khat bikhraa album aur khaali botalein

— Ali Asar Bandvi

jin ke daaman mein mere khuun ke chhinTe the 'asar'
ab vo shaffaaf libaason mein nazar aate hain

— Ali Asar Bandvi

us be-khabar ki niind kaa 'aalam na puchhiye
takiya kahin hai zulf kahin aur kahin badan

— Ali Asar Bandvi

jo pahle aankh se ojhal huaa thaa
vo ab dil se bhi rukhsat ho rahaa hai

— Ali Asar Bandvi

tu to mahlon mein rahti hai ye tujh ko maa'lum nahin
sahraaon mein main bhaTkaa huun hijr ki vahshat mujh se puchh

— Ali Asar Bandvi

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi ke bahut qarib na jaa
faasla kuchh to apne dhyaan mein rakh

— Akmal Imaam