raat ke pichhle pahar dhyaan tiraa — Ameen Rahat Chugtai

ab anaasir mein tavaazun DhunDne jaaein kahaan
ham jise hamraaz samjhe paasbaan niklaa tiraa

— Ameen Rahat Chugtai

main aaina thaa chhupaataa kisi ko kyaa raahat
vo dekhtaa mujhe jab bhi khafaa to honaa thaa

— Ameen Rahat Chugtai

ham ek jaan hi sahi dil to apne apne the
kahin kahin se fasaana judaa to honaa thaa

— Ameen Rahat Chugtai

shor kartaa phir rahaa huun khushk patton ki tarah
koi to puchhe ki shahr-e-be-khabar mein kaun hai

— Ameen Rahat Chugtai

zaat ke parde se baahar aa ke bhi tanhaa rahun
main agar huun ajnabi to mere ghar mein kaun hai

— Ameen Rahat Chugtai

kis tarah ujDe sulagti hui yaadon ke diye
hamdamo dil ke qarib aao ruko aur suno

— Ameen Rahat Chugtai

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

— Akhtar Ansari

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

— Saqib Lakhnavi

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat