zaat ke parde se baahar aa ke bhi tanhaa rahun — Ameen Rahat Chugtai

ab anaasir mein tavaazun DhunDne jaaein kahaan
ham jise hamraaz samjhe paasbaan niklaa tiraa

— Ameen Rahat Chugtai

main aaina thaa chhupaataa kisi ko kyaa raahat
vo dekhtaa mujhe jab bhi khafaa to honaa thaa

— Ameen Rahat Chugtai

ham ek jaan hi sahi dil to apne apne the
kahin kahin se fasaana judaa to honaa thaa

— Ameen Rahat Chugtai

shor kartaa phir rahaa huun khushk patton ki tarah
koi to puchhe ki shahr-e-be-khabar mein kaun hai

— Ameen Rahat Chugtai

raat ke pichhle pahar dhyaan tiraa
koi saae mein khaDaa ho jaise

— Ameen Rahat Chugtai

kis tarah ujDe sulagti hui yaadon ke diye
hamdamo dil ke qarib aao ruko aur suno

— Ameen Rahat Chugtai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi