ek hī baat mujh meñ achchhī hai — Shayari Of Ammar Iqbal

ḳhud hī jaane lage the aur ḳhud hī
rāsta rok kar khaḌe hue haiñ

ye jo maiñ huuñ zarā sā baaqī huuñ
vo jo tum the vo mar ga.e mujh meñ

maiñ ne tasvīr pheñk dī hai magar
kiil dīvār meñ gaḌī huī hai

ek darvesh ko tirī ḳhātir
saarī bastī se ishq ho gayā hai

maiñ ā.īnoñ ko dekhe jā rahā thā
ab in se baat bhī karne lagā huuñ

kaise kaise banā diye chehre
apnī be-chehragī banāte hue