khud hi jaane lage the aur khud hi — Ammar Iqbal

aur kitni ghumaaoge duniyaa
ham to sar thaam kar khaDe hue hain

main aainon ko dekhe jaa rahaa thaa
ab in se baat bhi karne lagaa huun

us ne naasur kar liyaa hogaa
zakhm ko shaaeri banaate hue

haath jis ko lagaa nahin saktaa
us ko aavaaz to lagaane do

ek darvesh ko tiri khaatir
saari basti se ishq ho gayaa hai

kaisaa mujh ko banaa diyaa 'ammaar'
kaun saa rang bhar gae mujh mein

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

ye gum hue hain khayaal-e-visaal-e-jaanaan mein
ki ghar mein phirte hain ham apni justuju karte

jaanib-e-kaaba tu kyuun le gayaa but-khaane se
mujh se divaane ko ai ishq na bahkaanaa thaa