niind kaa kaam garche aanaa hai — Anwar Dehlvi

pheinkiye kyuun mai-e-naaqis saaqi
shaikh-saahib ki ziyaafat hi sahi

na main samjhaa na aap aae kahin se
pasina pochhiye apni jabin se

kuchh khabar hoti to main apni khabar kyuun rakhtaa
ye bhi ik be-khabari thi ki khabar-daar rahaa

sharm bhi ik tarah ki chori hai
vo badan ko churaae baiThe hain

miTTi kharaab hai tire kuche mein varna ham
ab tak to jis zamin pe rahe aasmaan rahe

surat chhupaaiye kisi surat-parast se
ham dil mein naqsh aap ki tasvir kar chuke