Anwar Dehlvi

kuchh khabar hoti to main apni khabar kyuun rakhta
ye bhi ik be-khabari thi ki khabar-dar raha

miTTi kharab hai tire kuche men varna ham
ab tak to jis zamin pe rahe asman rahe

niind ka kaam garche aana hai
meri ankhon men par nahin aati

kis soch men hain aa.ine ko aap dekh kar
meri taraf to dekhiye sarkar kya hua

vo jo gardan jhuka.e baiThe hain
hashr kya kya uTha.e baiThe hain

na main samjha na aap aa.e kahin se
pasina pochhiye apni jabin se

pheinkiye kyuun mai-e-naaqis saaqi
shaikh-saahib ki ziyaafat hi sahi

na main samjhaa na aap aae kahin se
pasina pochhiye apni jabin se

kuchh khabar hoti to main apni khabar kyuun rakhtaa
ye bhi ik be-khabari thi ki khabar-daar rahaa

sharm bhi ik tarah ki chori hai
vo badan ko churaae baiThe hain

miTTi kharaab hai tire kuche mein varna ham
ab tak to jis zamin pe rahe aasmaan rahe

surat chhupaaiye kisi surat-parast se
ham dil mein naqsh aap ki tasvir kar chuke