pheinkiye kyuun mai-e-naaqis saaqi — Anwar Dehlvi

na main samjhaa na aap aae kahin se
pasina pochhiye apni jabin se

kuchh khabar hoti to main apni khabar kyuun rakhtaa
ye bhi ik be-khabari thi ki khabar-daar rahaa

sharm bhi ik tarah ki chori hai
vo badan ko churaae baiThe hain

miTTi kharaab hai tire kuche mein varna ham
ab tak to jis zamin pe rahe aasmaan rahe

niind kaa kaam garche aanaa hai
meri aankhon mein par nahin aati

surat chhupaaiye kisi surat-parast se
ham dil mein naqsh aap ki tasvir kar chuke

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aae kuchh abr kuchh sharaab aae
is ke baa'd aae jo azaab aae

koi puraanaa khat kuchh bhuli-bisri yaad
zakhmon par vo lamhe marham hote hain

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

khuli fazaa mein agar laDkhaDaa ke chal na sakein
to zahr piinaa hai behtar sharaab piine se