is vaqt vahaan kaun dhuaan dekhne jaae — Anwar Masood

jo hansnaa hansaanaa hotaa hai
rone ko chhupaanaa hotaa hai

chaae bhi achchhi banaati hain miri begam magar
munh banaane mein to un kaa koi saani hi nahin

raat aai hai balaaon se rihaai degi
ab na divaar na zanjir dikhaai degi

ajiib lutf thaa naadaaniyon ke aalam mein
samajh mein aaiin to baaton kaa vo maza bhi gayaa

main apne dushmanon kaa kis qadar mamnun huun 'anvar'
ki un ke shar se kyaa kyaa khair ke pahlu nikalte hain

hamein qarina-e-ranjish kahaan mayassar hai
ham apne bas mein jo hote tiraa gilaa karte