jo hansnaa hansaanaa hotaa hai — Anwar Masood

is vaqt vahaan kaun dhuaan dekhne jaae
akhbaar mein paDh leinge kahaan aag lagi thi

chaae bhi achchhi banaati hain miri begam magar
munh banaane mein to un kaa koi saani hi nahin

raat aai hai balaaon se rihaai degi
ab na divaar na zanjir dikhaai degi

ajiib lutf thaa naadaaniyon ke aalam mein
samajh mein aaiin to baaton kaa vo maza bhi gayaa

main apne dushmanon kaa kis qadar mamnun huun 'anvar'
ki un ke shar se kyaa kyaa khair ke pahlu nikalte hain

hamein qarina-e-ranjish kahaan mayassar hai
ham apne bas mein jo hote tiraa gilaa karte

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

mai-kade mein ishq ke kuchh sarsari jaanaa nahin
kaasa-e-sar ko yahaan gardish hai paimaane ki tarah

pahle aansu se dil halkaa hotaa thaa
ab aankhon se khuun bahaanaa paDtaa hai

baaton ki qimat jab ghaTne lagti hai
tab ashkon ko kaam mein laanaa paDtaa hai

kis se main un kaa Thikaanaa puchhtaa
saamne khaali makaan thaa aur main