hamein qarina-e-ranjish kahaan mayassar hai — Anwar Masood

is vaqt vahaan kaun dhuaan dekhne jaae
akhbaar mein paDh leinge kahaan aag lagi thi

chaae bhi achchhi banaati hain miri begam magar
munh banaane mein to un kaa koi saani hi nahin

raat aai hai balaaon se rihaai degi
ab na divaar na zanjir dikhaai degi

ajiib lutf thaa naadaaniyon ke aalam mein
samajh mein aaiin to baaton kaa vo maza bhi gayaa

main apne dushmanon kaa kis qadar mamnun huun 'anvar'
ki un ke shar se kyaa kyaa khair ke pahlu nikalte hain

jo hansnaa hansaanaa hotaa hai
rone ko chhupaanaa hotaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gul kiyaa jis ne vo thaa aur magar
shama ne shikva havaaon se kiyaa

abhi to mausam-e-khizaan hai ye
khileinge phuul bhi bahaar ke saath

allaah-re bhulaapaa munh dho ke khud vo bole
sungho to ho gayaa ye paani gulaab kyunkar