raat aai hai balaaon se rihaai degi — Anwar Masood

jo hansnaa hansaanaa hotaa hai
rone ko chhupaanaa hotaa hai

is vaqt vahaan kaun dhuaan dekhne jaae
akhbaar mein paDh leinge kahaan aag lagi thi

chaae bhi achchhi banaati hain miri begam magar
munh banaane mein to un kaa koi saani hi nahin

ajiib lutf thaa naadaaniyon ke aalam mein
samajh mein aaiin to baaton kaa vo maza bhi gayaa

main apne dushmanon kaa kis qadar mamnun huun 'anvar'
ki un ke shar se kyaa kyaa khair ke pahlu nikalte hain

hamein qarina-e-ranjish kahaan mayassar hai
ham apne bas mein jo hote tiraa gilaa karte

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

hai sair nigaahon mein shabistaan adu ki
kyaa mujh se chhupaate ho tamaashaa mire dil kaa