laakh suraj ki inaayaat rahein mere saath — Anwar Minai

har dam duaa-e-aab-o-havaa maangte rahe
nange darakht sabz qabaa maangte rahe

— Anwar Minai

divaangi ki aisi milegi kahaan misaal
kaanTe khaaridtaa huun gulaabon ke shahr mein

— Anwar Minai

is ahd mein rishton ki be-rang dukaanon mein
hiire se bhi mahngaa hai vishvaas kaa aaina

— Anwar Minai

khvaab bikhreinge to ham ko bhi bikharnaa hogaa
shab ki ik ek aziyyat se guzarnaa hogaa

— Anwar Minai

utraa thaa meri ruuh ke rauzan se jo kabhi
ghuT ghuT ke mere jism mein marne lagaa hai vo

— Anwar Minai

jab zamin ke muqaddar sanvar jaaeinge
aasmaan se farishte utar aaeinge

— Anwar Minai

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

duur tak chhaae the baadal aur kahin saaya na thaa
is tarah barsaat kaa mausam kabhi aayaa na thaa

— Qateel Shifai