milne ke baa'd baiTh rahaa pher kar nigaah — Anwari Jahan Begum Hijab

hijaab un se vo meraa puchhnaa sar rakh ke qadmon par
sabab kyaa hai jo yuun mujh se khafaa sarkaar baiThe hain

siina se siina milaa denaa to kuchh mushkil nahin
yaar mushkil to tire dil se milaanaa dil kaa hai

kahaan mumkin hai poshida gham-e-dil kaa asar honaa
labon kaa khushk ho jaanaa bhi hai aankhon kaa tar honaa

qayaamat thaa sitam thaa qahr thaa khalvat mein o zaalim
vo sharmaa kar tiraa meri baghal mein jalva-gar honaa

muhit-e-rahmat hai josh-afzaa hui hai abr-e-sakhaa ki aamad
khudaa ki har chiiz kah rahi hai ki ab hai nur-e-khudaa ki aamad

sifaarish ham-damon ki un kaa jaate vaqt ye kahnaa
ki jab taDpe miri tasvir siine se lagaa denaa