jis khaak se kahte ho vafaa ham nahin karte — Azhar Hashmi Sabqat

khudaa ki razaa hai na haasil kisi ko
khudaa ke liye par laDaai bahut hai

— Azhar Hashmi Sabqat

sajde kaa sabab jaan ke shirin hai pareshaan
farhaad ne kah Daalaa ke rab DhunD rahaa huun

— Azhar Hashmi Sabqat

ye jo behaal saa manzar ye jo bimaar se ham tum
siyaasat ki navaazish hai kisi se kuchh nahin bolein

— Azhar Hashmi Sabqat

ye tamannaa hai khudaa aalam-e-hasti mein tire
main ayaan dekhnaa chaahun to nihaan tak dekhun

— Azhar Hashmi Sabqat

bas ranj ki hai daastaan unvaan hazaaron
jiine ke liye mar gae insaan hazaaron

— Azhar Hashmi Sabqat

kahin suraagh nahin hai kisi bhi qaatil kaa
lahuluhaan magar shahr kaa nazaara hai

— Azhar Hashmi Sabqat

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

kuchh to majburiyaan rahi hongi
yuun koi bevafaa nahin hotaa

— Bashir Badr

ye jafaaon ki sazaa hai ki tamaashaai hai tu
ye vafaaon ki sazaa hai ki pae-daar huun main

— Hamid Mukhtar Hamid

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

apni kashti kaa hai khudaa haafiz
pichhe tufaan hai saamne girdaab

— Meer Mehdi Majrooh

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain

— Imam Bakhsh Nasikh