kuchh to majburiyaan rahi hongi — Bashir Badr

na tum hosh mein ho na ham hosh mein hain
chalo mai-kade mein vahin baat hogi

sar jhukaaoge to patthar devtaa ho jaaegaa
itnaa mat chaaho use vo bevafaa ho jaaegaa

raat kaa intizaar kaun kare
aaj kal din mein kyaa nahin hotaa

ujaale apni yaadon ke hamaare saath rahne do
na jaane kis gali mein zindagi ki shaam ho jaae

jis din se chalaa huun miri manzil pe nazar hai
aankhon ne kabhi miil kaa patthar nahin dekhaa

koi phuul saa haath kaandhe pe thaa
mire paanv shoalon pe jalte rahe

mohmal hai na jaanein to, samjhein to vazaahat hai
hai ziist faqat dhokaa aur maut haqiqat hai

fareb-e-jalva kahaan tak ba-ru-e-kaar rahe
naqaab uThaao ki kuchh din zaraa bahaar rahe

phir usi bevafaa pe marte hain
phir vahi zindagi hamaari hai

ahbaab ko de rahaa huun dhokaa
chehre pe khushi sajaa rahaa huun

us ke ifaa-e-ahd tak na jiye
umr ne ham se bevafaai ki

lo phir tire labon pe usi bevafaa kaa zikr
ahmad 'faraaz' tujh se kahaa na bahut huaa