narmi havaa ki mauj-e-tarab-khez abhi se hai — Aziz Hamid Madni

jab aai saaat-e-be-taab teri be-libaasi ki
to aaine mein jitne zaaviye the rah gae jal kar

— Aziz Hamid Madni

mubham se ek khvaab ki taabir kaa hai shauq
nindon mein baadalon kaa safar tez abhi se hai

— Aziz Hamid Madni

un ko ai narm havaa khvaab-e-junun se na jagaa
raat mai-khaane ki aae hain guzaare hue log

— Aziz Hamid Madni

jo baat dil mein thi us se nahin kahi ham ne
vafaa ke naam se vo bhi fareb khaa jaataa

— Aziz Hamid Madni

meri vafaa hai us ki udaasi kaa ek baab
muddat hui hai jis se mujhe ab mile hue

— Aziz Hamid Madni

aisi koi khabar to nahin saakinaan-e-shahr
dariyaa mohabbaton ke jo bahte the tham gae

— Aziz Hamid Madni

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

phuul kar le nibaah kaanTon se
aadmi hi na aadmi se mile

— Khumar Barabankavi