Aziz Hamid Madni

jo baat dil men thi us se nahin kahi ham ne
vafa ke naam se vo bhi fareb kha jaata

gahre surkh gulab ka andha bulbul saanp ko kya dekhega
paas hi ugti nag-phani thi saare phuul vahin milte hain

khuda ka shukr hai tu ne bhi maan li miri baat
rafu purane dukhon par nahin kiya jaata

gham-e-hayat o gham-e-dost ki kashakash men
ham aise log to ranj-o-malal se bhi ga.e

kuchh ab ke ham bhi kahen us ki dastan-e-visal
magar vo zulf-e-pareshan khule to baat chale

narmi hava ki mauj-e-tarab-khez abhi se hai
ai ham-safir atish-e-gul tez abhi se hai

jab aai saaat-e-be-taab teri be-libaasi ki
to aaine mein jitne zaaviye the rah gae jal kar

narmi havaa ki mauj-e-tarab-khez abhi se hai
ai ham-safir aatish-e-gul tez abhi se hai

mubham se ek khvaab ki taabir kaa hai shauq
nindon mein baadalon kaa safar tez abhi se hai

un ko ai narm havaa khvaab-e-junun se na jagaa
raat mai-khaane ki aae hain guzaare hue log

jo baat dil mein thi us se nahin kahi ham ne
vafaa ke naam se vo bhi fareb khaa jaataa

aisi koi khabar to nahin saakinaan-e-shahr
dariyaa mohabbaton ke jo bahte the tham gae