ayaan yaa nihaan ik nazar dekh lete — Aziz Hyderabadi

mushkil hai imtiyaaz-e-azaab-o-savaab mein
piitaa huun main sharaab milaa kar gulaab mein

koi rusvaa koi saudaai hai
ik jahaan aap kaa shaidaai hai

zor qismat pe chal nahin saktaa
khaamushi ikhtiyaar kartaa huun

us ne sun kar baat meri Taal di
uljhanon mein aur uljhan Daal di

gin rahaa huun harf un ke ahd ke
mujh ko dhokaa de rahi hai yaad kyaa

vo ye kah kar daagh dete hain mujhe
phuul se pahle samar aate nahin