zor qismat pe chal nahin saktaa — Aziz Hyderabadi

vo ye kah kar daagh dete hain mujhe
phuul se pahle samar aate nahin

mushkil hai imtiyaaz-e-azaab-o-savaab mein
piitaa huun main sharaab milaa kar gulaab mein

koi rusvaa koi saudaai hai
ik jahaan aap kaa shaidaai hai

us ne sun kar baat meri Taal di
uljhanon mein aur uljhan Daal di

gin rahaa huun harf un ke ahd ke
mujh ko dhokaa de rahi hai yaad kyaa

ayaan yaa nihaan ik nazar dekh lete
kisi surat un ko magar dekh lete

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

jo ghair the vo isi baat par hamaare hue
ki ham se dost bahut be-khabar hamaare hue

barseingi aaj rahmatein aamad hai yaar ki
naayaab hain ye ghaDiyaan tire intizaar ki