kitne lage hain zakhm jigar par kise khabar — Azizunnisa Naz

jab dil kaa dard manzil-e-shab se nikal gayaa
mahsus ye huaa koi tufaan Tal gayaa

— Azizunnisa Naz

ashkon ne raaz dil kaa kiyaa jab kabhi ayaan
kitni hui hai mujh ko nadaamat na puchhiye

— Azizunnisa Naz

ranj-o-alam ki koi haqiqat na puchhiye
kitni hai mere dard ki azmat na puchhiye

— Azizunnisa Naz

ab to hai sirf aamad-e-fasl-e-bahaar yaad
dil ek phuul thaa jo sar-e-shaakh jal gayaa

— Azizunnisa Naz

jab tak kisi kaa naqsh-e-kaf-e-paa hamein milaa
ham se kuchh aur duur zamaana nikal gayaa

— Azizunnisa Naz

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

khair dozakh mein mai mile na mile
shaikh-saahab se jaan to chhuTegi

— Faiz Ahmad Faiz

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

ishq phir ishq hai aashufta-sari maange hai
hosh ke daur mein bhi jaama-dari maange hai

— Unwan Chishti