daulat-e-ahd-e-javaani ho gae — Farhat Kanpuri

dil ki raahein judaa hain duniyaa se
koi bhi raahbar nahin hotaa

aankhon mein base ho tum aankhon mein ayaan ho kar
dil hi mein na rah jaao aankhon se nihaan ho kar

duniyaa ne khuub samjhaa duniyaa ne khuub parkhaa
meri nazar ko dekhaa jab aap ki nazar se

hasti kaa raaz kyaa hai gham-e-hast-o-bud hai
aalam tamaam daam-e-rusum-o-quyud hai

'farhat' tire naghmon ki vo shohrat hai jahaan mein
vallaah tiraa rang-e-sukhan yaad rahegaa