dhuup chhuti hai badan ko jab 'shamim' — Farooq Shamim

jhuuT sach mein koi pahchaan kare bhi kaise
jo haqiqat kaa hi meyaar fasaana Thahraa

— Farooq Shamim

apne hi fan ki aag mein jalte rahe 'shamim'
honTon pe sab ke hausla-afzaai rah gai

— Farooq Shamim

hisaar-e-zaat se kaT kar to ji nahin sakte
bhanvar ki zad se yuun mahfuz apni naav na rakh

— Farooq Shamim

vaqt ik mauj hai aataa hai guzar jaataa hai
Duub jaate hain jo lamhaat ubharte kab hain

— Farooq Shamim

hain raakh raakh magar aaj tak nahin bikhre
kaho havaa se hamaari misaal le aae

— Farooq Shamim

har ek lafz mein poshida ik alaao na rakh
hai dosti to takalluf kaa rakh-rakhaao na rakh

— Farooq Shamim

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

— Sandeep Gupte