nahin vo sham-e-mohabbat rahi to phir 'aasim' — Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

log kahte hain ki vo shakhs hai khushbu jaisaa
saath shaayad use le aae havaa dekhte hain

tu mire paas jab nahin hotaa
tujh se kartaa huun kis qadar baatein

miri zabaan ke mausam badalte rahte hain
main aadmi huun miraa e'tibaar mat karnaa

badal gayaa hai zamaana badal gai duniyaa
na ab vo main huun miri jaan na ab vo tu tu hai

kahin kahin to zamin aasmaan se unchi hai
ye raaz mujh pe khulaa siDhiyaan utarte hue

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ishq mein aur bhi divaana banaa deti hai
meri aavaaz mein mil kar tiri aavaaz mujhe

ehsaan-e-rab mohabbatein itni milin 'adil'
is umr-e-mukhtasar mein na lauTaa sakeinge ham

khudaa kaa shukr ki aahaT se khvaab TuuT gayaa
main apne ishq mein naakaam hone vaalaa thaa

aisi pyaari shaam mein ji bahlaane ko
paanv nikaale jaa sakte hain chaadar se