apni qismat kaa bulandi pe sitaara dekhun — Ghulam Murtaza Rahi

dekhne sunne kaa maza jab hai
kuchh haqiqat ho kuchh fasaana ho

— Ghulam Murtaza Rahi

hisaar-e-jism miraa toD-phoD Daalegaa
zarur koi mujhe qaid se chhuDaa legaa

— Ghulam Murtaza Rahi

ab aur der na kar hashr barpaa karne mein
miri nazar tire didaar ko tarasti hai

— Ghulam Murtaza Rahi

chale the jis ki taraf vo nishaan khatm huaa
safar adhuraa rahaa aasmaan khatm huaa

— Ghulam Murtaza Rahi

har ek saans mujhe khinchti hai us ki taraf
ye kaun mere liye be-qaraar rahtaa hai

— Ghulam Murtaza Rahi

sahraa jangal saagar parbat
in se hi rasta miltaa hai

— Ghulam Murtaza Rahi

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

— Nazeer Akbar Abadi

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

— Zafar Iqbal

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib