hijr ki talkhi zahr bani hai miThi baatein bhejo naa — Hamida Shaheen

mere dil ki shaakh pe jaanaan
har mausam mein tu khiltaa hai

— Hamida Shaheen

balaa ki tamkanat se ab siyaahi bolti hai
hamaari chup se shah paa kar tabaahi bolti hai

— Hamida Shaheen

kaun badan se aage dekhe aurat ko
sab ki aankhein girvi hain is nagri mein

— Hamida Shaheen

tire giton kaa matlab aur hai kuchh
hamaaraa dhun saraasar mukhtalif hai

— Hamida Shaheen

go ek aziyyat hai tiraa rang-e-taghaaful
ye rang kisi aur pe sajtaa bhi nahin khair

— Hamida Shaheen

sitaara hai koi gul hai ki dil hai
tiri Thokar mein patthar mukhtalif hai

— Hamida Shaheen

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

— Euphonic Amit

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

— Zehra Nigaah

tumhaare bakhshe hue aansuon ke qatron se
shab-e-firaaq mein taare sajaa rahaa huun main

— Mahfuzur Rahman Adil