sitaara hai koi gul hai ki dil hai — Hamida Shaheen

mere dil ki shaakh pe jaanaan
har mausam mein tu khiltaa hai

balaa ki tamkanat se ab siyaahi bolti hai
hamaari chup se shah paa kar tabaahi bolti hai

kaun badan se aage dekhe aurat ko
sab ki aankhein girvi hain is nagri mein

hijr ki talkhi zahr bani hai miThi baatein bhejo naa
khud ko dekhe arsa guzraa apni aankhein bhejo naa

tire giton kaa matlab aur hai kuchh
hamaaraa dhun saraasar mukhtalif hai

go ek aziyyat hai tiraa rang-e-taghaaful
ye rang kisi aur pe sajtaa bhi nahin khair

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

mujh ko mazaa hai chheD kaa dil maantaa nahin
gaali sune baghair sitam-gar kahe baghair

'mir' 'ghaalib' yahin to rahte the
ham bhi dilli se dil lagaa lein kyaa

kar rahaa hai ilaaj-e-vahshat-e-dil
chaaragar ki davaa kare koi

kisi ne mol na puchhaa dil-e-shikasta kaa
koi kharid ke TuuTaa piyaala kyaa kartaa