mere dil ki shaakh pe jaanaan — Hamida Shaheen

balaa ki tamkanat se ab siyaahi bolti hai
hamaari chup se shah paa kar tabaahi bolti hai

kaun badan se aage dekhe aurat ko
sab ki aankhein girvi hain is nagri mein

hijr ki talkhi zahr bani hai miThi baatein bhejo naa
khud ko dekhe arsa guzraa apni aankhein bhejo naa

tire giton kaa matlab aur hai kuchh
hamaaraa dhun saraasar mukhtalif hai

go ek aziyyat hai tiraa rang-e-taghaaful
ye rang kisi aur pe sajtaa bhi nahin khair

sitaara hai koi gul hai ki dil hai
tiri Thokar mein patthar mukhtalif hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ab vo piiri mein kahaan ahd-e-javaani ki umang
rang maujon kaa badal jaaataa hai saahil ke qarib

jo le lete ho yuun har ek kaa dil baaton baaton mein
bataao sach ye chaalaaki tumhein kis ne sikhaai thi

qadmon pe Dar ke rakh diyaa sar taaki uTh na jaaein
naaraaz dil-lagi mein jo vo ik zaraa hue

tiri talaash mein jab ham kabhi nikalte hain
ik ajnabi ki tarah raaste badalte hain