har taraf hain khaana-barbaadi ke manzar be-shumaar — Haneef Akhgar

koi saaghar pe saaghar pi rahaa hai koi tishna hai
murattab is tarah aain-e-mai-khaana nahin hotaa

— Haneef Akhgar

kushta-e-zabt-e-fughaan naghma-e-be-saaz-o-sadaa
uf vo aansu jo lahu ban ke Tapaktaa hogaa

— Haneef Akhgar

hasin surat hamein hamesha hasin hi maalum kyuun na hoti
hasin andaaz-e-dil-navaazi hasin-tar naaz barhami kaa

— Haneef Akhgar

jo musaafir bhi tire kuche se guzraa hogaa
apni nazron ko bhi divaar samajhtaa hogaa

— Haneef Akhgar

izhaar pe bhaari hai khamoshi kaa takallum
harfon ki zabaan aur hai aankhon ki zabaan aur

— Haneef Akhgar

puchhti rahti hai jo qaisar-o-kisraa kaa mizaaj
shaan ye khaak-nashinon mein kahaan se aai

— Haneef Akhgar

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

maut ke baa'd ziist ki bahs mein mubtalaa the log
ham to 'sahar' guzar gae tohmat-e-zindagi uThaae

— Sahar Ansari

khaak uchhaalo jo zamin par to falak par gir jaae
ab khulaa ye ki bahut past hai himmat meri

— Sohail Azeemabadi

khudaa kare ki vahi baat us ke dil mein ho
jo baat kahne ki himmat juTaa rahaa huun main

— Sarfraz Nawaz

tu mohabbat se koi chaal to chal
haar jaane kaa hausla hai mujhe

— Ahmad Faraz

nisyah-o-naqd-e-do-aalam ki haqiqat maalum
le liyaa mujh se miri himmat-e-aali ne mujhe

— Mirza Ghalib