bahut taakhir se paayaa hai khud ko — Humaira Rahat

jahaan ik shakhs bhi miltaa nahin hai chaahne se
vahaan ye dil hatheli par zamaana chaahtaa hai

sunaa hai khvaab mukammal kabhi nahin hote
sunaa hai ishq khataa hai so kar ke dekhte hain

huzur aap koi faisla karein to sahi
hain sar jhuke hue darbaar bhi lagaa huaa hai

zikr sunti huun ujaale kaa bahut
us se kahnaa ki mire ghar aae

taalluq ki nai ik rasm ab ijaad karnaa hai
na us ko bhulnaa hai aur na us ko yaad karnaa hai

guzar jaaegi saari raat is mein
miraa qissa kahaani se baDaa hai