sataayaa aaj munaasib jagah pe baarish ne — Iqbal Ashhar Quraishi

khud ko jab bhuul se jaate hain to yuun lagtaa hai
zindagi tere azaabon se nikal aae hain

— Iqbal Ashhar Quraishi

'ashhar' bahut si pattiyaan shaakhon se chhin gaiin
tafsir kyaa karein ki havaa tez ab bhi hai

— Iqbal Ashhar Quraishi

darakht haath hilaate the rahnumaai ko
musaafiron ne to kuchh bhi nahin kahaa mujh se

— Iqbal Ashhar Quraishi

jo log lauT ke khud mere paas aae hain
vo puchhte hain ki 'ashhar' yahin pe ab tak ho

— Iqbal Ashhar Quraishi

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

chaand ne taan li hai chaadar-e-abr
ab vo kapDe badal rahi hogi

— Jaun Elia

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi