vo nahin aaj-kal khafaa ham se — Jatinder Vir Yakhmi Jayaveer

mere khvaabon ke jharokon ko sajaate rahiye
na sahi vasl magar yaad to aate rahiye

laakh chaahaa ki ho pahchaan koi apni bhi
kaash ham aap ke hi naam se jaane jaate

khuub gahri jo lagi choT to ham ne jaanaa
vaqt lagtaa hai kisi dard ko jaate jaate

dukh kaTe zahmat kaTe kaT jaae bad-hali sabhi
vaqt kaaTe naa kaTe to kyaa karein kis se kahein

aae hain sunte ki aisaa vaqt bhi aataa hai jab
ho davaa yaa phir duaa kuchh kaargar hotaa nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yuun to maujud apne ghar mein hai
aadmi mustaqil safar mein hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

tamaam-shahr jise chhoDne ko aayaa hai
vo shakhs kitnaa akelaa safar pe niklegaa

isi hasrat mein kaTi raah-e-hayaat
koi do-chaar qadam saath chale