khuub gahri jo lagi choT to ham ne jaanaa — Jatinder Vir Yakhmi Jayaveer

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

vo nahin aaj-kal khafaa ham se
koi niklaa hai raasta shaayad

— Jatinder Vir Yakhmi Jayaveer

laakh chaahaa ki ho pahchaan koi apni bhi
kaash ham aap ke hi naam se jaane jaate

— Jatinder Vir Yakhmi Jayaveer

dukh kaTe zahmat kaTe kaT jaae bad-hali sabhi
vaqt kaaTe naa kaTe to kyaa karein kis se kahein

— Jatinder Vir Yakhmi Jayaveer

aae hain sunte ki aisaa vaqt bhi aataa hai jab
ho davaa yaa phir duaa kuchh kaargar hotaa nahin

— Jatinder Vir Yakhmi Jayaveer

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif