laakh chaahaa ki ho pahchaan koi apni bhi — Jatinder Vir Yakhmi Jayaveer

mere khvaabon ke jharokon ko sajaate rahiye
na sahi vasl magar yaad to aate rahiye

vo nahin aaj-kal khafaa ham se
koi niklaa hai raasta shaayad

khuub gahri jo lagi choT to ham ne jaanaa
vaqt lagtaa hai kisi dard ko jaate jaate

dukh kaTe zahmat kaTe kaT jaae bad-hali sabhi
vaqt kaaTe naa kaTe to kyaa karein kis se kahein

aae hain sunte ki aisaa vaqt bhi aataa hai jab
ho davaa yaa phir duaa kuchh kaargar hotaa nahin

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

siine mein ik khaTak si hai aur bas
ham nahin jaante ki kyaa hai dil

ab nahin lauT ke aane vaalaa
ghar khulaa chhoD ke jaane vaalaa