kaifiyat mahfil-e-ḳhūbāñ kī na us bin pūchho — Shayari Of Jurat Qalandar Bakhsh

ye savād-e-shahr aur aisā kahāñ husn-e-malīh
shash-jihat meñ mulk dekhā hī nahīñ punjab sā

ilāhī kyā ilāqa hai vo jab letā hai añgḌā.ī
mire siine meñ sab zaḳhmoñ ke Tāñke TuuT jaate haiñ

haiñ lāzim-o-malzūm baham husn o mohabbat
ham hote na tālib jo vo matlūb na hotā

Thahrī thī ġhizā apnī jo ġham ishq-e-butāñ meñ
so aah hamārī hameñ ḳhūrāk ne khāyā

dil-e-vahshī ko ḳhvāhish hai tumhāre dar pe aane kī
divānā hai va-lekin baat kartā hai Thikāne kī

us zulf pe phabtī shab-e-dījūr kī sūjhī
andhe ko añdhere meñ baḌī duur kī sūjhī