yuun bhi aankhon se nikalne nahin detaa aansu — Khalid Nadeem Budauni

titli bhaunre kaliyaan phuul
is ke sab divaane the

— Khalid Nadeem Budauni

khud apni shai pe adhuraa hai ikhtiyaar mujhe
giraa to saktaa huun aansu uThaa nahin saktaa

— Khalid Nadeem Budauni

vo ek shakhs to patthar uchhaal kar chup hai
samundaron se abhi tak sadaaein aati hain

— Khalid Nadeem Budauni

kaise hasti ke samundar kaa talaatum Thahre
zindagi bhar yahi tadbir-e-bashar hoti hai

— Khalid Nadeem Budauni

ab jo chaaho vo faisla kar lo
muflisi apne honT si aai

— Khalid Nadeem Budauni

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

intihaa ke qarib hai duniyaa
aadmi aakhiri sadi kaa huun

— Zubair Khayali