titli bhaunre kaliyaan phuul — Khalid Nadeem Budauni

khud apni shai pe adhuraa hai ikhtiyaar mujhe
giraa to saktaa huun aansu uThaa nahin saktaa

yuun bhi aankhon se nikalne nahin detaa aansu
ashk-e-gham teraa tasavvur na bahaa le jaae

vo ek shakhs to patthar uchhaal kar chup hai
samundaron se abhi tak sadaaein aati hain

kaise hasti ke samundar kaa talaatum Thahre
zindagi bhar yahi tadbir-e-bashar hoti hai

ab jo chaaho vo faisla kar lo
muflisi apne honT si aai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

yuun to saaraa chaman hamaaraa hai
phuul jitne bhi hain paraae hain

ungliyaan tu ne jo ai rashk-e-chaman chaTkaain
mujh ko ghunchon ke chaTakne ki sadaaein aaiin